ქალაქის მერმა გიგი უგულავამ თავისი არჩევანი მე-15 საარჩევნო უბანზე დააფიქსირა.
ქალაქის მერის განცხადებით, დღევანდელი არჩევნების მნიშვნელობა ძალიან დიდია,რადგან ის განსაზღვრავს გავაგრძელებთ წინსვლას, შევჩერდებით თუ უკან დავბრუნდებით.
"იმედი მაქვს, რომ არჩევნების დღე მშვიდად ჩაივლის, ყველა ჩვენს მოქალაქეს ექნება საშუალება, თავისი აზრი დააფიქსიროს საარჩევნო ყუთთან.
ეს არჩევნები უნდა იყოს ჩვენი ქვეყნის განვითარებისა და წინსვლის საფუძველი. მისი მნიშვნელობა ძალიან დიდია, ის განსაზღვრავს გავაგრძელებთ წინსვლას, შევჩერდებით თუ უკან დავბრუნდებით, მე დარწმუნებული ვარ, რომ ჩვენი ქვეყნის ხალხი არჩევანს გააკეთებს წინსვლისკენ, განვითარებისკენ, იმისკენ, რომ თბილისი და საქართველო იყოს უფრო მეტად დასაქმებული, ჯანდაცვა იყოს ხელმისაწვდომი და ის პრობლემები, რომლებიც გვაწუხებს, შეიძლება, არც ისე მალე, მაგრამ ეტაპობრივად და ყოველდღიურად გამოსწორდება, ეს არის საქართველოს ხალხის ნება და მე დარწმუნებული ვარ, საქართველოს არჩეული ხელისუფლება ამ ნებას აღასრულებს", - განაცხადა უგულავამ.
