ბიძინა ივანიშვილი: გვჯერა, რომ სიმართლის მხარეს დაიჭერთ და ერთად გავიმარჯვებთ. ბიძინა ივანიშვილმა ბიზნესმენებს, ჯარისკაცებს, პოლიციელებს, მასწავლებლებსა და საჯარო მოსამსახურეებს მიმართა და სთხოვა,რომ გაემიჯნონ უკანონობას, უსამართლობას და სიმართლის მხარე დაიჭირონ.
„დადექით სიმართლის მხარეს. ჩვენ მოვდივართ ხელისუფლებაში, რათა არავის დაეკარგოს თავისი შრომა. მივმართავ მასწავლებლებს, ხელისუფლება თქვენგან ითხოვს მორჩილებას. სწორედ ამიტომ, ვურჩევ პედაგოგებს არ მისცენ ხელისუფლებას საშუალება გააყალბონ ხმები. ჩვენ ვენდობით თქვენს სინდისს და პატიოსნებას. გვჯერა, რომ სიმართლის მხარეს დაიჭერთ და ერთად გავიმარჯვებთ“, – მიმართა ივანიშვილმა პედაგოგებს.
