ფილარმონიასთან საპროტესტო აქცია განახლდა. აქციის მონაწილეები სასჯელაღსრულების დაწესებულებებში პატიმართა წამების ფაქტებს აპროტესტებენ. „არა ძალადობას“, „სოლიდარობა პატიმრებს“, „შეწყდეს ძალადობა“, - სკანდირებენ აქციის მონაწილეები. ისინი პროტესტს სასტვენებითაც გამოხატავენ.
აქციის ერთ-ერთი ორგანიზატორის დაჩი ცაგურიას განცხადებით, სასჯელაღსრულების ახალ მინისტრ გიორგი ტუღუშს სთხოვენ, ადვოკატები საპატიმროებში შაბათ-კვირასაც დაუშვან.
კოსტავას გამზირისა და მელიქიშვილის გამზირებზე მოძრავი ავტომობილები ასიგნალებენ და მძღოლები აქციას სოლიდარობას ასე უცხადებენ.
