Samsung-მა ფლაგმანური სმარტფონის Galaxy Note 9-ის პირველი პრომოვიდეო გამოაქვეყნა. ვიდეო კომპანიის Youtube-ის ოფიციალურ არხზე გამოქვეყნდა და მიუხედავად იმისა, რომ კომპანიამ ის მალევე წაშალა, მომხმარებლებმა მისი გადმოწერა მაინც მოასწრეს. ინფორმაციას Agora ავრცელებს.
ვიდეოს თანახმად, სმარტფონი ძლიერი ელემენტით იქნება აღჭურვილი და გაიყიდება მისი 512-გიგაბაიტიანი ვერსიები. თანაც მასში 512-გიგაბიტიანი microSD-ის ჩამატება იქნება შესაძლებელი, რაც ტელეფონის მეხსიერებას 1 ტერაბაიტამდე გაზრდის.
თითის სკანერი Galaxy Note 9-ს უკანა პანელზე განთავსდება და არა ეკრანის ქვეშ, როგორც ეს Note სერიის წინა სმარტფონებზე იყო.
