გურიაში სახელმწიფო რწმუნებულმა გიორგი ღურჯუმელიძე ადგილობრივი ხელისუფლების წარმომადგენლებთან ერთად, საქართველოს ტერიტორიული მთლიანობისთვის ბრძოლაში დაღუპულ გმირთა მემორიალი და ეროვნული გმირის ზაზა დამენიას საფლავი ყვავილებით შეამკო.
,, სოხუმის დაცემიდან 32 წელი გავიდა. ეს დღე საქართველოს ისტორიაში ერთ-ერთი ყველაზე ტრაგიკულია. ქედს ვიხრი ჩვენი გმირების ხსოვნის წინაშე და ვუსამძიმრებ მათ ოჯახებს. დღევანდელი დღე არასდროს მიეცემა დავიწყებას,"- აღნიშნა სახელმწიფო რწმუნებულმა. სოხუმის დაცემის 32 წლისთავთან დაკავშირებით და აფხაზეთის ომში დაღუპულთა ხსოვნის პატივსაცემად, სახელმწიფო დროშა დაეშვა საქართველოს მთელ ტერიტორიაზე ყველა ადმინისტრაციულ შენობაზე.
