თვითდაპატიმრება არის კიდევ ერთი სცენარის ნაწილი, რომ გამართლდეს რაღაც კუთხით ის შემდგომი მათი ჩაშლილი გეგმა, რომელ გეგმასაც ასე ომახიანად ახმოვანებენ პაატა ბურჭულაძის სახით დღეს, - განაცხადა საპარლამენტო უმრავლესობის ლიდერმა და ფრაქცია „ქართული ოცნების“ თავმჯდომარემ ირაკლი კირცხალიამ ელენე ხოშტარიასთან დაკავშირებით, რომელიც გირაოს თანხის გადახდას არ აპირებს.

„როდესაც ხედავენ, რომ რეალურად არანაირი რესურსი არ აქვთ, ამას კარგად აფასებენ მათივე პატრონებიც. მიმართეს თვითდაკავების გზას. ეს არის ერთგვარი განულებული, ე.წ. პოლიტიკოსის ერთგვარი გამოსავალი, რომ რაღაც კუთხით კიდევ ერთხელ გაიცოცხლოს გარკვეულ პარტაქტივში, პატრონებთან თავი. თვითდაპატიმრება არის კიდევ ერთი სცენარის ნაწილი, რომ გამართლდეს რაღაც კუთხით ის შემდგომი მათი ჩაშლილი გეგმა, რომელ გეგმასაც ასე ომახიანად ახმოვანებენ პაატა ბურჭულაძის სახით დღეს“, - აღნიშნა კირცხალიამ.