საპარლამენტო უმრავლესობის წევრი, გიორგი სოსიაშვილი, სუს-ის მიერ ეკონომიკისა და მდგრადი განვითარების მინისტრის ყოფილი მოადგილის, რომეო მიქაუტაძის, დაკავების ფაქტს ეხმიანება.
გიორგი სოსიაშვილის განცხადებით, ქართული სახელმწიფო როგორც არასდროს ისეა დღეს მოწოდების სიმაღლეზე, შესაბამისად ნებისმიერი ადამიანი ეს იქნება მოქმედი თუ ყოფილი თანამდებობის პირი ყველა მათგანი არის თანასწორუფლებიანი კანონის წინაშე და სახელმწიფოს მყისიერი რეაგირება ექნება იმ ადამიანების მიმართ, რომლებიც გარკვეულ გადაცდომას ჩაიდნენ.
„ჩვენი სახელმწიფო, როგორც არასდროს ისეა დღეს მოწოდების სიმაღლეზე. საუბარი მაქვს არა მარტო ჩვენი ქვეყნის სუვერენიტეტის შეგრძნებაზე, არამედ საუბარი მაქვს სახელმწიფო ინსტიტუტების გამართულ მუშაობაზე და ამან ბოლო პერიოდში ჩვენ სრულად დაგვარწმუნა, ნებისმიერი ადამიანი ეს იქნება მოქმედი თუ ყოფილი თანამდებობის პირი ყველა მათგანი არის თანასწორუფლებიანი კანონის წინაშე, ამიტომ სახელმწიფოს მყისიერი რეაგირება ექნება იმ ადამიანების მიმართ, რომლებიც გადაცდომას ჩაიდენენ, ამ შემთხვევაში არავინ არ არის გამონაკლისი.“-განაცხადა გიორგი სოსიაშვილმა.
