კარგად გადაავლონ თვალი ისტორიას და ობიექტურად და ღირსეულად შეაფასონ ის ღირსეული ნაბიჯები, რომელიც გადადგა ჩვენმა ქვეყანამ. არა მხოლოდ განცხადებები, არამედ გადავიდეთ ქმედით ურთიერთობაზე და გადავიდეთ საქმის კეთებაზე, - ასე გამოეხმაურა საპარლამენტო ფრაქცია „ქართული ოცნების“ თავმჯდომარის პირველი მოადგილე ირაკლი კირცხალია ნატო-ს სამეკავშირეო ოფისის მიერ გავრცელებულ განცხადებას.
მისი თქმით, დროა ნატო-მ ქმედითი ნაბიჯები გადადგას და მხოლოდ განცხადებებით აღარ შემოიფარგლოს.
ნატო-ს სამეკავშირეო ოფისმა განცხადება გაავრცელა, სადაც აღნიშნულია, რომ უკვე სამი ათწლეულია, რაც საქართველო მტკიცედ მიჰყვება ევროატლანტიკური ინტეგრაციის გზას, ხოლო ნატო მუდმივად მხარს უჭერს საქართველოს რეფორმებსა და მისწრაფებებს. საქართველო ნატოს ერთ-ერთი უახლოესი პარტნიორია.
