აშშ-ის მთავრობის ეფექტურობის დეპარტამენტის ხელმძღვანელმა, ილონ მასკმა სოციალურ ქსელ X-ში დაწერა, რომ ის თანამდებობას ტოვებს.
„ვინაიდან ჩემი, როგორც სპეციალური სახელმწიფო მოხელის უფლებამოსილების ვადა ამოიწურა, მინდა მადლობა გადავუხადო პრეზიდენტ დონალდ ტრამპს იმისთვის, რათა მან არაეფექტური ხარჯების შემცირების შესაძლებლობა მომცა“, - დაწერა მასკმა.
მან ასევე დასძინა, რომ მთავრობის ეფექტურობის დეპარტამენტის მისია მხოლოდ გაძლიერდება, და ის მთელი მთავრობის ცხოვრების წესად იქცევა.
თეთრის სახლის წარმომადგენელმა სააგენტო Reuters-ს განუცხადა, რომ გადაწყვეტილება მასკის გათავისუფლების შესახებ ძალაში დღეიდან შევა. წასვლამდე მასკი ტრამპს არ შეხვედრია.
ცნობისთვის, მასკი მთავრობის ეფექტურობის დეპარტამენტის ხელმძღვანელის თანამდებობაზე მიმდინარე წლის იანვრიდან მუშაობდა.
