ამ უსამშობლოების უცხოელი პატრონებიც კი მიხვდნენ, რომ აზრი არ აქვს და საფუძველი არ არის, რომ საპარლამენტო არჩევნები ხელახლა ჩატარდეს და გადაერთნენ უკვე ადგილობრივ არჩევნებზე. ეს კარგია. იმედია ადგილობრივებიც გაიაზრებენ, რომ მათი პატრონები უკვე მიხვდნენ ამას და დასკვნაც გამოიტანეს, - განაცხადა პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ.
მანვე აღნიშნა, რომ „დიფ სთეითმა“ ამერიკიდან ევროპაში გადმოინაცვლა და USAID-ი ჩაანაცვლა ბრიტანულმა და ესტონურმა ფონდებმა, რომელთა მიზანია ქაოსი, არეულობა და რევოლუციური სცენარების დათესვა ადგილობრივ არჩევნებზე.
„ბრიტანეთის საგარეო საქმეთა სამინისტრომ გამოაცხადა რაღაც საგრანტო კონკურსი, რომ 2025 წლის ოქტომბერში ჩასატარებელ ადგილობრივ არჩევნებზე გრანტები გაიცეს. მე მინდა თქვენი ყურადღება ორი ასპექტით გავამახვილო: პირველი ის, რომ უკვე ამ უსამშობლოების უცხოელი პატრონებიც კი მიხვდნენ, რომ აზრი არ აქვს და საფუძველი არ არის, რომ საპარლამენტო არჩევნები ხელახლა ჩატარდეს და გადაერთნენ უკვე ადგილობრივ არჩევნებზე. ეს კარგია. იმედია ადგილობრივებიც გაიაზრებენ, რომ მათი პატრონები უკვე მიხვდნენ ამას და დასკვნაც გამოიტანეს. რაც შეეხება მეორე ასპექტს, ეს არის, რომ USAID-ი ჩაანაცვლა ბრიტანულმა ფონდებმა. სხვათა შორის მინდა შევნიშნო, რომ ზუსტად ამასთან დაკავშირებით ბატონ შათირიშვილს ჰქონდა თავის წერილში, რომ ამერიკიდან გადმოინაცვლა ევროპაში „დიფ სთეითმა“ და USAID-ი ჩაანაცვლა ბრიტანულმა ფონდებმა, ჩაანაცვლა ესტონურმა ფონდებმა, იცით ხომ კიდევ ერთი უსამშობლოების ორგანიზაცია, რომელიც არის კაპიტან გიგაურის, ესტონეთიდან ფინანსდება, ამერიკიდან ჩაეხსნა. ხოლო მეორე უსამშობლოების და აგენტურის გაერთიანება, რომელიც დღემდე არ აქვეყნებს თავის მონაცემებს ISFED-ი ე.წ, ალტერნატიული დათვლები ვითომ, რაღაც სიგიჟეები მოიგონეს, ეს უკვე ფინანსდება და გრანტი გამოუყო ბრიტანულმა ფონდმა. შესაბამისად მე რა უნდა ვთქვა, ფაქტია, ვიცით, ვინ რას წარმოადგენს, ვინ რისკენ იღვწის - ეს არის ისევ ქაოსი, არეულობა და რევოლუციური სცენარების დათესვა ადგილობრივ არჩევნებზეც.
არ გამოუვათ, ჩვენ როგორც მთავრობა, ხალხიც ფხიზლად ვართ, ვიცით უკვე, ვინ რას წარმოადგენს, ვის რა ინტერესები აქვს. ასე, რომ რაც უნდა აფინანსონ ეს უსამშობლოები, გამორიცხულია, შედეგს მაინც ვერ მიაღწევენ, როგორც ამ შემთხვევაში დამარცხდნენ ქართულ საზოგადოებასთან, ქართულ სახელმწიფოსთან ზუსტად ასე დამარცხდებიან ადგილობრივ არჩევნებზეც“, - განაცხადა ირაკლი ზარქუამ.
