მოწმდება სკოლების უსაფრთხოება, რისთვისაც სამინისტრომ სპეციალური ჯგუფები დაიქირავა, - ამის შესახებ მთავრობის ადმინისტრაციის უფროსმა ლევან ჟორჟოლიანმა „დღის ქრონიკის" ეთერში განაცხადა.
მისივე განცხადებით, სადაც ფიზიკურად მისვლა შესაძლებელია, მონიტორინგი აქტიურ რეჟიმში მიმდინარეობს.
„განათლების სამინისტრომ უკვე დაიწყო სკოლების მონიტორინგი, სადაც შესაძლებელია, რომ ფიზიკურად მივიდეთ, მუშაობენ შესაბამისი ჯგუფები, ამოწმებენ სკოლების უსაფრთხოებას, ამისთვის სამინისტრომ სპეციალური ჯგუფები დაიქირავა. მონიტორინგი აქტიურ რეჟიმში მიმდინარეობს,"- განაცხადა ლევან ჟორჟოლიანმა.
