ფაქტია, რომ მედიაში უცხოური დაფინანსებები ხელს უწყობს დეზინფორმაციის გავრცელებას, ცილისწამებას და პოლიტიკური მანიპულაციებით სავსე ნარატივის განვითარებას, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, რატი იონათამიშვილმა განაცხადა.
დეპუტატის თქმით, ფაქტობრივად, უცხოური დაფინანსებები მთელ რიგ ქვეყნებში არის დამოუკიდებლობისა და დემოკრატიული პრინციპების ძირის გამომთხრელი საქმიანობის ერთ-ერთი საფუძველი.
„აქედან გამომდინარე, ბრიტანული კანონმდებლობა, რომელიც შემოგვაქვს, მედიაში გარემოს გააჯანსაღებს და გახდის მას დამოკიდებულს არა გარე დამკვეთებზე, რომელთაც საკუთარი დღის წესრიგი გააჩნიათ, არამედ მოქალაქის ინფორმირებულობას მოახდენენ. ვისაც გარკვეული შიშები აქვთ, ეს ის ადამიანები არიან, რომლებიც მიეჩვივნენ იმას, რომ ცილისწამება და დეზინფორმაცია ნორმად აქციონ, რასაც მედიასთან და სიტყვის თავისუფლებასთან არანაირი კავშირი არ აქვს“, – განაცხადა იონათამიშვილმა.
