რიგგარეშე არჩევნები, მათაც იციან, რომ არანაირ საფუძველს არ ატარებს. ამდენი ხანია უკვე პროკურატურაში მიმდინარეობს გამოძიება და ერთმა ადამიანმა ვერ მიიტანა ერთი რამე კონკრეტული ინფორმაცია თუ ამ არჩევნებში რა იყო გაყალბებული, ან რამე ისეთი, რამაც ოდნავი გავლენა მაინც მოახდინა არჩევნების შედეგებზე, - განაცხადა რეგიონული პოლიტიკისა და თვითმმართველობის კომიტეტის თავმჯდომარე, საპარლამენტო უმრავლესობის წევრმა ირაკლი ქადაგიშვილმა გადაცემაში „იმედი LIVE“.

წამყვანმა მას ჰკითხა, აქვს თუ არა ოპოზიციას რაიმე რესურსი, რომ პოლიტიკური პროცესები დაძრან.

„ვფიქრობ, [ოპოზიციას] ფრუსტრაციის პერიოდი დაუდგა. არ იციან კონკრეტულ მოცემულობაში რა გააკეთონ. საქართველოს გარშემოც გეოპოლიტიკური მდგომარეობა ვხედავთ, რომ გარკვეულწილად იცვლება. მათი [ოპოზიციის] სიცოცხლისუნარიანობა გარკვეულწილად დამოკიდებული იყო საგარეო ზეწოლაზე. საგარეო ზეწოლასაც ისეთი მძაფრი ფორმა აღარ აქვს, როგორიც აქამდე ჰქონდა, ამიტომ დღეს მათ ძალიან დიდი დაბნეულობა აქვთ. რიგგარეშე არჩევნები, მათაც იციან, რომ არანაირ საფუძველს არ ატარებს. ამდენი ხანია უკვე პროკურატურაში მიმდინარეობს გამოძიება და ერთმა ადამიანმა ვერ მიიტანა ერთი რამე კონკრეტული ინფორმაცია თუ ამ არჩევნებში რა იყო გაყალბებული, ან რამე ისეთი, რამაც ოდნავი გავლენა მაინც მოახდინა არჩევნების შედეგებზე. ახლა აქვთ გარდამტეხი პერიოდი - რა ქნან, ადგილობრივ თვითმმართველობის არჩევნებში მიიღონ მონაწილეობა, თუ არა“, - აღნიშნა ქადაგიშვილმა.