სლოვაკეთის პრემიერ-მინისტრი, რობერტ ფიცო ვაშინგტონში ჩავიდა, სადაც ილონ მასკს შეხვდა. ინფორმაციას ამის შესახებ სლოვაკური მედია ავრცელებს.
სლოვაკეთის პრემიერის თქმით, მასკი არა მხოლოდ აშშ-ში, არამედ მთელ მსოფლიოში ერთ-ერთი ყველაზე გავლენიანი ფიგურაა.
შეხვედრაზე მხარეებმა განიხილეს აშშ-ის საერთაშორისო განვითარების სააგენტოსთან (USAID) დაკავშირებული საკითხები და შეთანხმდნენ, რომ საჭიროების შემთხვევაში ინფორმაციას გაცვლიან.
ასევე, მოლაპარაკებები შეეხო დონალდ ტრამპის მიერ შემოთავაზებულ ახალ ტარიფებსა და გადასახადებს.
