თქვენ ვინ გეკითხებათ, მე რა შემომაქვს და არ შემომაქვს, - განაცხადა „კოკა-კოლა ბოთლერს ჯორჯიას“ დამფუძნებელმა თემურ ჭყონიამ რუსეთის ბაზარზე ოპერირების შესახებ „ქრონიკის“ კითხვაზე პასუხად.
ხოლო კითხვაზე, რამდენად სწორია პროევროპულობაზე საუბრის პარალელურად ოკუპანტ ქვეყანასთან თანამშრომლობა, ჭყონიამ უპასუხა: „აბსოლუტურად ევროპულია“.
მმართველი გუნდი ასაჯაროებს იმ კომპანიების სიას, რომლებიც რუსეთის ბაზარზე ოპერირებით მსხვილ შემოსავლებს იღებენ. აღნიშნულ კომპანიებს შორის არის „კოკა-კოლა ბოთლერს ჯორჯიაც“.
საუბარია კომპანიებზე, რომლებიც „ქართული ოცნების“ ხელისუფლებას მუდმივად აკრიტიკებენ იმის გამო, რომ რუსეთ-უკრაინის ომის პარალელურად, საქართველომ რუსეთის ბაზარი ქართველი მეწარმეებისთვის გახსნილი დატოვა.
