უმდაბიოესი და უმარტივესი ფეიკი და მანიპულაციაა, რადგან საქსტატი ითვლის ადგილზე ფაქტობრივად მცხოვრებ და არა იქ რეგისტრირებულ, სხვაგან მცხოვრებ მოქალაქეებს ან ემიგრანტებს,- ასე ეხმიანება „ქართული ოცნების“ აღმასრულებელი მდივანი, მამუკა მდინარაძე, სოციალურ ქსელში გავრცელებულ ინფორმაციას, რომ საქსტატის მონაცემებით კონკრეტულ დასახლებებში უფრო ნაკლები ხალხი ცხოვრობს, ვიდრე რეალურად ხმების რაოდენობაა.
როგორც მამუკა მდინარაძე აღნიშნავს, ოპონენტები ჯერ აქტიურად აზიარებდნენ ქალაქის გასასვლელში „ევროპულ საცობებს“, რომელთაგან ზოგი ფოტო ნამდვილი იყო ზოგი კი - ყალბი, თუმცა, აღმოჩნდა, რომ მაღალი აქტივობა მხოლოდ მანამდე მოსწონდათ, სანამ საცობში მყოფი ყველა ადამიანი მათი მხარდამჭერი ეგონათ.
„ ორი დღის თავგანწირული ძებნის შემდეგ ახალი მავნებლობა გამოაგდეს სოცქსელებში: საქსტატის მონაცემებით კონკრეტულ დასახლებებში უფრო ნაკლები ხალხი ცხოვრობს, ვიდრე ხმების რაოდენობააო.
უმდაბიოესი და უმარტივესი ფეიკი და მანიპულაციაა, რადგან საქსტატი ითვლის ადგილზე ფაქტობრივად მცხოვრებ და არა იქ რეგისტრირებულ, სხვაგან მცხოვრებ მოქალაქეებს ან ემიგრანტებს!
და “ევროპული საცობები” რომ იყო ქალაქის გასასვლელში, ზოგი ფეიკფოტოებზე აღბეჭდილი და ზოგიც ნამდვილი, მანდ რა ხდებოდა?
თუ სანამ თავისი ხალხი ეგონათ, მხოლოდ მანამდე იყო მაღალი აქტივობა და ჩაწერის ადგილებზე დაბრუნებული ხალხი კარგი?
და რაც კიდევ უფრო მნიშვნელოვანია:
ეს ადამიანები, ქვეყნის შიგნით თუ გარეთ, რატომ წვალობენ ამდენს? ერთადერთი მიზეზით, - ნაცმოძრაობა რომ ვერ დაბრუნდა ხელისუფლებაში! ამას დარდობენ და აპროტესტებენ, ამაზე შფოთავენ!
წინასწარ განწირულ აქციებს კი ერთი ძალიან კარგი მხარე ექნება: თუ აქციებში მონაწილეები სხვა დროს ამბობდნენ, რომ ნაცების აქციებზე კი არ დადიოდნენ, არამედ ხან “რუსულ კანონს”, ხან “ჩელიაბინსკში გაღვიძების საშიშროებას” აპროტესტებდნენ და ხან “პუტინს ებრძოდნენ” შუა რუსთაველზე, ახლა ვეღარ იტყვიან, ნაცების აქციაზე რა მიმიყვანსო…“- წერს მამუკა მდინარაძე.
