მმართველ გუნდში ანტიკორუფციული ბიუროს გადაწყვეტილებას ეხმაურებიან. პარლამენტის იურიდიულ საკითხთა კომიტეტის თავმჯდომარის პირველი მოადგილის, დავით მათიკაშვილისთვის ეს კიდევ ერთი დასტურია, რომ „ენჯეო“ სექტორის ნაწილი ოპოზიციური პარტიებისგან არაფრით განსხვავდება.
„მოვიდა დრო, რომ ტყუილების, „ენჯეოს“ მანტიაში გადაცმულობის და რაღაც ფსევდო პროცესებში ჩართულობის ნაცვლად, ყველამ განაცხადოს საკუთარი პოლიტიკური მიზნები. ის, რომ გიგაური წლების განმავლობაში წარმოადგენს არა „ენჯეოს“, არამედ პირდაპირ არის აფილირებული „ნაციონალურ მოძრაობასთან“, საზოგადოებამ ძალიან კარგად იცის“, - განაცხადა მათიკაშვილმა.
ანტიკორუფციულმა ბიურომ „საერთაშორისო გამჭვირვალობა - საქართველო“ და „აირჩიე ევროპა“ საარჩევნო მიზნის მქონე სუბიექტებად გამოაცხადა.
