პარტია „ქართული ოცნება - დემოკრატიული საქართველოს“ ნაძალადევის რაიონის დელეგატი წინასაარჩევნო კამპანიის ფარგლებში მოსახლეობას შეხვდა
"ქართული ოცნება- დემოკრატიული საქართველოს" ნაძალადევის რაიონის დელეგატი ირაკლი ხელაძე, მოქალაქეებს ზესტაფონის ქუჩაზე შეხვდა.
ადგილობრივ მოსახლეობასთან შეხვედრის დროს დელეგატმა ყურადღება გაამახვილა 26 ოქტომბრის საპარლამენტო არჩევნების მნიშვნელობაზე და იმ მიმართულებაზე, რომელზეც გუნდი აქტიურ მუშაობას აპირებს. ასევე საუბარი შეეხო მოსახლეობის საჭიროებებს.
შეხვედრას ასევე ესწრებოდა ნაძალადევის გამგებელი - ირაკლი ანდღულაძე, თბილისის საკრებულოს თავმჯდომარის მოადგილე - თინათინ ნიბლოშვილი და თბილისის საკრებულოს ფრაქცია “ქართული ოცნება - დემოკრატიული საქართველოს” თავმჯდომარის მოადგილე -ალექსანდრე ხუჯაძე.
