ინგრედიენტები

6   ცალი ბულგარული წიწაკა

115   გრამი კრემ-ყველი

2   ს/კ დაჭრილი მწვანე ხახვი

4   ნაჭერი შემწვარი ბეკონი

1/2  ჩ/კ ნივრის ფხვნილი

1/2  ჭიქა გახეხილი ჩედარი

1   ჩ/კ ვორჩესტერის სოუსი

დაჭრილი ქინძი

მომზადება

წინასწარ გააცხელეთ ღუმელი 200 C-ზე. საცხობ ლანგარს მოასხით საცხობი სპრეი.

პატარა თასში მიქსერით ათქვიფეთ კრემ-ყველი, მწვანე ხახვი, დაფშვნილი ბეკონი, ნივრის ფხვნილი, ჩედარი და ვორჩესტერის სოუსი.

ბულგარული წიწაკები შუაზე გაჭერით და თესლი მოაშორეთ. თითოეული ნახევარი მიღებული ნაზავით ამოავსეთ. მოათავსეთ წინასწარ გამზადებულ საცხობ ლანგარზე და მოაყარეთ ცოტაოდენი გახეხილი ყველი. აცხვეთ წინასწარ გაცხელებულ ღუმელში 10-12 წუთით, კრემ-ყველის გადნობამდე და წიწაკის დარბილებამდე.

მირთმევამდე ცოტათი გააგრილეთ. მოაყარეთ დაჭრილი ქინძი. გემრიელად მიირთვით.