დონალდ ტრამპი და კამალა ჰარისი 10 სექტემბერს საპრეზიდენტო დებატებზე შეთანხმდნენ. ინფორმაციას ამის შესახებ ABC News-ი ავრცელებს.
მანამდე დონალდ ტრამპმა განაცხადა, რომ ის თანახმაა, კამალა ჰარისთან დებატები სამჯერ გამართოს.
აღსანიშნავია, რომ მანამდე ტრამპი აცხადებდა, რომ არ მიიღებდა მონაწილეობას ABC News-ზე გასამართ დებატებში. მიზეზად კი სარჩელს ასახელებდა, რომელიც ტელეკომპანიის წინააღმდეგ აქვს შეტანილი.
„ვფიქრობ, რომ ძალიან მნიშვნელოვანია დებატების გამართვა“, - განაცხადა ტრამპმა ხუთშაბათს.
