2 წლის წინ, საქართველო დაიჩაგრა და კანდიდატის სტატუსზე უარი უთხრეს, როდესაც ყველას ვუსწრებდით ყველა პარამეტრით, შემდეგ კანდიდატის სტატუსი მივიღეთ. ასე ჯიუტად, ასე პრინციპულად ვლაპარაკობდით მაშინაც და არავის ვექიშპებოდით ამით და არავის ჯიბრში არ ვუდგებოდით, - ამის შესახებ საპარლამენტო უმრავლესობის ლიდერმა და „ქართული ოცნების“ აღმასრულებელმა მდივანმა მამუკა მდინარაძემ ჟურნალისტებთან საუბრისას განაცხადა.
„ჩვენ ვითხოვდით სამართლიანობას და ეს სამართლიანობა მივიღეთ. ჩვენ მომავალშიც ასევე მოვითხოვთ სამართლიანობას და წარსული გამოცდილებით დარწმუნებულები ვართ, რომ სამართლიანობას მივიღებთ. წარმოუდგენელია ბოლო საუკუნის ყველაზე თაღლითური პროექტი „არა რუსულ კანონს“ გავიდეს“, - განაცხადა მდინარაძემ.
