საქართველოზე უსაფუძვლო, ანგაჟირებული, ნეგატიური პოლიტიკური განცხადებების ფონზე, მორიგი დაწინაურება გვაქვს წონად საერთაშორისო შეფასებებში - სახელმწიფოებრივი სიმტკიცის მსოფლიო რეიტინგში საქართველო უკვე მსოფლიოს საუკეთესო ხუთეულშია, - წერს ანალიტიკოსი გია აბაშიძე სოციალურ ქსელში.
ანალიტიკოსის თქმით, პროფესიონალური საერთაშორისო კვლევები მკაფიოდ წარმოაჩენენ თუ რას მიაღწია საქართველომ და რომელ ირაციონალურ ჯურღმულებში არიან ნამუსდაკარგული, უშინაარსო კრიტიკოსები.
„ საქართველოზე უსაფუძვლო, ანგაჟირებული, ნეგატიური პოლიტიკური განცხადებების ფონზე, მორიგი დაწინაურება გვაქვს წონად საერთაშორისო შეფასებებში - სახელმწიფოებრივი სიმტკიცის მსოფლიო რეიტინგში საქართველო უკვე მსოფლიოს საუკეთესო ხუთეულშია.
ამგვარი პროფესიონალური საერთაშორისო კვლევები მკაფიოდ წარმოაჩენენ თუ რას მიაღწია საქართველომ და რომელ ირაციონალურ ჯურღმულებში არიან ნამუსდაკარგული, უშინაარსო კრიტიკოსები.
ტრანსეროვნულმა კვლევითმა ცენტრმა, „მშვიდობის ფონდმა“, რომლის შტაბ-ბინა ვაშინგტონშია, Fragile States Index-ის (მყიფე სახელმწიფოების ინდექსი) 2024 წლის შედეგები გამოაქვეყნა. ინდექსი მსოფლიოს 179 ქვეყანაში სახელმწიფოებრივი სიმტკიცის შეფასების სარეიტინგო მაჩვენებელია, სადაც ქვეყნები განლაგებულია ყველაზე მყიფედან მტკიცე ქვეყნებამდე თანმიმდევრობის პრინციპით. რეიტინგის სათავეში ყოფნა ყველაზე არამდგრადობაზე მიუთითებს, რეიტინგის ბოლოში კი ყველაზე მტკიცე სახელმწიფოები არიან.
ცნობისათვის, 2012 წლის რეიტინგში, ნაცრეჟიმის დროს, როცა აქ "დემოკრატიის შუქურა" "კაშკაშებდა", საქართველო სახელმწიფოებრივი მოწყვლადობით 51-ე ადგილზე იყო 50 ყველაზე არამდგრად სახელმწიფოთა მიჯნაზე და თავდაპირველ, ანუ 2006 წლის ინდექსთან შედარებით პოზიცია 9 ადგილით ჰქონდა გაუარესებული.
FSI 2024 -ის რეიტინგში სახელმწიფოებრივი სიმტკიცით საქართველო 3 ადგილით დაწინაურდა, შეფასება წინა წელთან შედარებით გაიუმჯობესა და 69,3 ქულით ახალი საუკეთესო ისტორიული შედეგი დააფიქსირა.
„მშვიდობის ფონდის“ შეფასება 12 ძირითად ინდიკატორს ეფუძნება: უსაფრთხოება, ელიტური დანაწევრება, საზოგადოებრივი ჯგუფების უკმაყოფილება, ეკონომიკა, ეკონომიკური უთანაბრობა, პრობლემური ემიგრაცია, სახელმწიფოებრივი ლეგიტიმაცია, საჯარო სერვისები, ადამიანის უფლებები, დემოგრაფიული წნეხი, ლტოლვილები და დევნილები, საგარეო ინტერვენცია“, - წერს აბაშიძე Facebook-ზე.
