მგონი, იმ მდგომარეობაშიც ირაკლი კობახიძეა, აუტიზმი არაფერ შუაშია, – ამის შესახებ „გირჩის“ წევრმა, იაგო ხვიჩიამ საქართველოს პირველ არხს განუცხადა.
მისი თქმით, გიორგი ვაშაძის გუშინდელი განცხადება პოლიტიკური შეცდომა იყო.
„შეიძლება, სხვა რამე გამოიყენო, მაგრამ ადამიანების ჯანმრთელობის მდგომარეობით ერთმანეთს შეურაცხყოფა არ უნდა მივაყენოთ და მგონი, ეს „ქოც-ნაცური“ დაპირისპირების ახალი ლეველია. გიორგი ვაშაძის მხრიდან ეს იყო პოლიტიკური შეცდომა. სხვადასხვა ადამიანები შეცდომას სხვადასხვანაირად აღიარებენ, მაგრამ მე ასეთ დროს ბოდიშს ვიხდი“, – განაცხადა ხვიჩიამ.
