შეერთებული შტატები, როგორც სინონიმი „გლობალური ომის პარტიისა“, არავის უგულისხმია. ამიტომ როგორც ელჩისგან, ისე სხვა აქტორისგან სწორად უნდა იყოს გაგებული ის პასაჟი, რომელიც „გლობალური ომის პარტიას“ გულისხმობს, - ამის შესახებ იურიდიულ საკითხთა კომიტეტის თავმჯდომარის პირველმა მოადგილემ, საპარლამენტო უმრავლესობის წევრმა დავით მათიკაშვილმა „დღის ქრონიკაში“ განაცხადა, რითაც საქართველოში აშშ-ის ელჩმა, რობინ დანიგანის განცხადებას გამოეხმაურა.
„ვისაც კი „გლობალური ომის პარტიის“ კუთხით განმარტება გაუკეთებია, არსად უთქვამს, რომ „გლობალური ომის პარტია“ ამერიკაა. აქ არის რაღაც გარკვეული ძალები, რომელზეც ბოლომდე და კონკრეტულად ჩვენ არ ვსაუბრობთ. მე შემიძლია სრულად დავეთანხმო ყველა იმ აქტორს, რომელიც აცხადებს, რომ აშშ-სა და საქართველოს ურთიერთობას არის გადასახედი გაუმჯობესების თვალსაზრისით.
არის მთელი რიგი საკითხები, რომელიც არა სანქცირების განხორციელბას, არამედ ურთიერთობის გაუმჯობესება და გაჯანსაღება უნდა გულისხმობდეს. არ შეიძლება სტრატეგიული ურთიერთობა იყოს სანქცირების, მუქარისა და ხელების გადაგრეხის ჭრილში“, - აღნიშნა დავით მათიკაშვილმა.
საქართველოში აშშ-ის ელჩმა, რობინ დანიგანმა განაცხადა, რომ აშშ-საქართველოს ურთიერთობის შესახებ დეზინფორმაცია ვრცელდება, თითქოს ჩვენ ვართ „გლობალური ომის პარტია“, რევოლუციის წახალისებას ვცდილობთ და გვაქვს ბოროტი ზრახვები - ამის მოსმენა გულდასაწყვეტია
