ფარისევლებმა უცხოელი მეგობრების რჩევით ახალი ტაქტიკა აირჩიეს. თუ ადრე დასცინოდნენ ყველაფერ ეროვნულს, მართლმადიდებლობას, ტრადიციებს,
და ამ ლოზუნგებით ახალგაზრდობის ნაწილის მიმხრობა შეძლეს, ეს არ აღმოჩნდა საკმარისი, - ამის შესახებ გერმანიაში მოღვაწე ქართველი ფიზიკოსი, პროფესორი ლევან ჭოტორლიშვილი, სოციალურ ქსელში წერს.
როგორც ჭოტორლიშვილი განმარტავს, ძველმა ტაქტიკამ არ გაამართლა, ამიტომ ისინი, ვინც ულტრა ლიბერალები არიან, ახალი ტაქტიკის თანახმად, ნაციონალისტები გახდნენ და ხელში სანთლებიც დაიჭირეს. მისი განცხადებით, მიზანი უცვლელია - საქართველოს ომში ჩართვა, ვინაიდან 200 ათასამდე სამობილიზაციო რესურსით დასავლეთისთვის ცოცხალი ძალის დამატების შესაძლებლობას იძლევა.
"ფარისევლებმა უცხოელი მეგობრების რჩევით ახალი ტაქტიკა აირჩიეს. თუ ადრე დასცინოდნენ ყველაფერ ეროვნულს, მართლმადიდებლობას, ტრადიციებს,
და ამ ლოზუნგებით ახალგაზრდობის ნაწილის მიმხრობა შეძლეს, ეს არ აღმოჩნდა საკმარისი. ამიტომ ახლა სანთლები დაიჭირეს ხელში და ულტრალიბერალები ნაციონალისტები გახდნენ. მიზანი იგივეა, ქვეყნის ომში ჩათრევა. ძველმა ტაქტიკამ არ გაამართლა და ახალი მაგიტომ სჭირდებათ. მართალია ეზიზღებათ მაგრამ ითმენენ.
დასავლეთს აქვს საკმარისი ფინანსები, ტექნოლოგიები ომის დიდხანს გასაგრძელებლად, მაგრამ არ ჰყავს ჯარისკაცები. დასავლეთი ასე მსჯელობს. თუ ჩვენ მეგობრები და მოკავშირეები ვართ, ყველამ უნდა შევიტანოთ ჩვენი წვლილი. ჩვენ მდიდრები წილში შევალთ ფულით და ტექნოლოგიებით. თქვენ ღარიბები წილში უნდა შეხვიდეთ ცოცხალი ძალით. ბოლო ტრანში დათქმით მისცეს რომ კიდევ ნახევარ მილიონ ადამიანს გააგზავნიან ფრონტზე. დილით ჯარისკაცები, საღამოს ფული, როგორც ერთ იუმორისტულ ნაწარმოებშია. მაგრამ სულ უფრო რთულია ცოცხალი ძალის რესურსის მობილიზება. დიდი ნაწილი განადგურებულია, ნაწილმა ქვეყანა დატოვა.
საქართველო თავისი ორასი ათასამდე სამობილიზაციო რესურსით დასავლეთისთვის შესაძლებლობაა. დანარჩენი მხოლოდ ტექნიკის საქმეა. გადატრიალება, საზღვრების ჩაკეტვა, ხალხის ქუჩებში დაჭერა და ფრონტზე გაგზავნა. ანუ ის რაც უკვე ხდება ჩვენ თვალწინ მეზობელ ქვეყანაში.
არაფერი ახალი ამაში არ არის. ასე გაჰყავდათ ქართველი ჯარისკაცები, მონღოლებს, თურქებს, ირანელებს და რუსებს. მაქსიმალური ყურადღება არის საჭირო იმისთვის რომ ეს გეგმა არ განხორციელდეს. თორემ დაიფარება ქვეყანა სასაფლაოებით და დროშებით. ეს ეხება ყველას თვრამეტიდან სამოც წლამდე ასაკის მოსახლეობას." - წერს ლევან ჭოტორლიშვილი.
ბევრ ენჯეოშნიკს შეიძლება მართლა ჰგონია, იმ ლიპა ანგარიშებისათვის უხდიან დონორები, მათ რომ უგზავნიან პერიოდულად.
ღმერთმა ნუ ქნას, თავიას მიაღწიონ, თორემ ეგენი ყველა დაიმალება, (დონორებიც შეეცდებიან სამომავლო პროვოკაციებისათვის დაიცვან (შემოინახონ), ჩვეულებრივი, რიგითი ხალხი კი საზარბაზნე ხორცად იქცევა.
200 ათასი ბევრი არ არის (უკრაინასთან შედარებით), მაგრამ ერთ ორ თვეს ხომ ეყოფა რუსეთის ზარბაზნებს საკვებად. მერე აგერ სომხეთი დგას რიგში, საკუთარი ინიციატივით. მერე კიდევ გამოიძებნება ვინმე და იქნება ასე, დაუსრულებლად, ან სრულ გაპარტახებამდე და ბოლო რესურსის ამოწურვამდე.