ნიკა გვარამიას პოლიტიკურ გუნდ „ახალს”, ახალი წევრები შეემატა, რომელთა შორის გედევან ფოფხაძეც არის. შესაბამის ფოტოს გვარამია სოციალურ ქსელში ავრცელებს.
„ჩემი დიდი ხნის საამაყო მეგობრები: გედი და პროფესორები“, - წერს გვარამია.
შეგახსენებთ, გედევან ფოფხაძე ორი მოწვევის პარლამენტის წევრი იყო საარჩევნო ბლოკ „ბიძინა ივანიშვილი - ქართული ოცნებიდან“. 2019 წელს კი მან ფრაქცია „ქართული ოცნება“ დატოვა. მალევე ის ეკა ბესელიას პოლიტიკურ პარტიას „სამართლიანობისთვის“ შეუერთდა. 2020 წლის 7 ივნისს კი „ქართული ოცნებიდან“ წასულ სხვა დეპუტატებთან ერთად დააარსა პოლიტიკური პარტია „ჩვენი საქართველო - სოლიდარობის ალიანსი“. საპარლამენტო არჩევნებში პარტიამ იგი დიდუბე-ჩუღურეთის მაჟორიტარი დეპუტატობის კანდიდატად წარადგინა. მან ხმების 1,26% (866 ხმა) მიიღო. 23 ნოემბერს მან ეს პარტიაც დატოვა.
ამასთან, 8 მარტს ცნობილი გახდა, რომ გვარამიას პოლიტიკურ გუნდს ყოფილი მოსამართლე, მაია კოპალეიშვილიც შეუერთდა.
