ინგრედიენტები

2/3  ჭიქა გარჩეული ფისტა + მოსართავად

1 1/2  ჭიქა ფქვილი

1 1/2  ჩ/კ საცხობი ფხვნილი

1/8  ჩ/კ მარილი

1/2  ჭიქა გამდნარი უმარილო კარაქი

2/3  ჭიქა შაქარი

2   ცალი დიდი კვერცხი

1   ჩ/კ ვანილის ექსტრაქტი

1/2  ჭიქა რძე

170   გრამი შავი შოკოლადი

1/3  ჭიქა სქელი ნაღები

1/2  ს/კ უმარილო კარაქი

მომზადება

წინასწარ გააცხელეთ ღუმელი 180 C-ზე. დონატების საცხობ ფორმას მოასხურეთ საცხობი სპრეი.

გარჩეული ფისტა დააბლენდერეთ (დამატებით, ცოტაოდენი ფისტა ზემოდან მოსაყრელად შეინახეთ). უნდა მიიღოთ ფისტას ნაფხვენები და არა კარაქი. თასში აურიეთ დაფხვნილი ფისტა, ფქვილი, საცხობი ფხვნილი და მარილი.

დიდ თასში ათქვიფეთ ½ ჭიქა გამდნარი უმარლო კარაქი და შაქარი კარგად შერევამდე. დაუმატეთ მშრალ ინგრედიენტებს. შეურიეთ კვერცხი და კარგად ათქვიფეთ. დაუმატეთ ვანილის ექსტრაქტი, შემდეგ რძე და თქვიფეთ გლუვი ცომის მიღებამდე. კოვზის დახმარებით ცომი დონატების ფორმებში გადაიტანეთ ისე, რომ ფორმის ¾ აივსოს. აცხვეთ დონატები 15–17 წუთით, მსუბუქად გადაბრაწვამდე. გამოიღეთ და გააგრილეთ. როდესაც გაგრილდება, თითოეული დონატი შოკოლადის განაშში ჩააწეთ და მოაყარეთ დაჭრილი ფისტა. მიირთვით მომზადებისთანავე.

შოკოლადის განაში: მაღალი ხარისხის დაჭრილი შავი შოკოლადი თასში მოათავსეთ. დაბალ ტემპერატურაზე ქვაბში გააცხელეთ ნაღები კიდეებზე ბუშტუკების გამოჩენამდე. მოასხით ნაღები შოკოლადს და 30 წამით გააჩერეთ, შემდეგ ერთგვაროვანი მასის მიღებამდე გამუდმებით ურიეთ. დაუმატეთ ½ ს/კ კარაქი და ურიეთ. განაში დონატებისათვის მზად არის! გემრიელად მიირთვით!