გახსოვთ როგორი გარემოება იყო, რაც დაიწყო 2 წლის წინ მსოფლიოში - ეს გლობალური გადანაწილება, ეს ომი, ამ ფონზე რომ ხელისუფლებას შეენარჩუნებინა მშვიდობა და არ დაეკარგა ღირსება, სულ ამაზე იყო საუბარი, - ამის შესახებ მხატვარმა ნიკუშა შენგელაიამ გადაცემაში „იმედი LIVE“ განაცხადა.

„საკუთარი ქვეყნის ზრუნვით და ღირსეულად მივედით ამ გადაწყვეტილებამდე, კანდიდატის სტატუსამდე. არც ცალი ფეხით და არც ასკინკილით [არ მიგვიღია სტატუსი]. როგორც ადამიანმა, ასევე ერმა ღირსება არ უნდა დაკარგოს და სიმართლე ბოლომდე უნდა გაიტანოს. ძალიან რთული წელი იყო, ბევრი წინააღმდეგობა იყო როგორც გარედან, ისე შიგნიდან“, - აღნიშნა შენგელაიამ.

ევროპული საბჭოს პრეზიდენტმა, შარლ მიშელმა ცოტა ხნის წინ განაცხადა, რომ ევროპულმა საბჭომ საქართველოს კანდიდატის სტატუსი მიანიჭა.