რეგიონული პოლიტიკისა და თვითმმართველობის კომიტეტის თავმჯდომარე, ირაკლი ქადაგიშვილმა მედიასთან სარეიტინგო კომპანიის S&P-ის ანგარიში შეაფასა.
„ყველაზე მნიშვნელოვანი მსოფლიოს სარეიტინგო ორგანიზაციები აქვეყნებენ რეიტინგებს, რომლებითაც ქვეყნის განვითარების პერსპექტივა რეალურად განისაზღვრება. ასეთივეა S&P-ის მიერ გამოქვეყნებული პროგნოზი ეკონომიკის ზრდისა, სადაც თვითონ სარეიტინგო სააგენტომ 5%-დან 7%-მდე გაზარდა [პროგნოზი]“, - აღნიშნა ირაკლი ქადაგიშვილმა.
S&P Global-ის პროგნოზით, ინფლაცია 2025 წელს საშუალოდ 3.7% იქნება. ამავდროულად, მაღალი ეკონომიკური ზრდის ფონზე S&P Global-მა საქართველოს ეკონომიკური ზრდის პროგნოზი 7.1%-მდე გაზარდა.
