ინგრედიენტები

1   კგ. ფქვილი

1   ცალი კვერცხი

160   გრამი კარაქი

400   მლ/ლ ნელთბილი წყალი

1   ჩ/კ მარილი

70   გრამი მოხარშული ბრინჯი

5   ცალი კვერცხი

200   გრამი ახალი ტარხუნა

200   გრამი მწვანე ხახვი

მწიკვი შავი წიწაკა

1   ჩ/კ მარილი

5   გრამი კარაქი

10   მლ/ლ ზეთი

მომზადება

მოცემული ინგრედიენტებით მოამზადეთ ფენოვანი ცომი. იხილეთ: ფენოვანი ცომის მომზადების წესი.

მოაცალეთ ტარხუნის ღეროებს ფოთლები და დაჭერით ისინი ხახვთან ერთად. მოხარშეთ 3 ცალი კვერცხი და დაჭერით პატარა კუბიკებად. დანარჩენი ორის გული და ცილა განაცალკევეთ ერთმანეთისგან.

გააცხელეთ ტაფა და მოასხით ზეთი. შუშეთ ხახვი და ტარხუნა მაქსიმუმ 1 წუთის განმავლობაში. თან მუდმივად ურიეთ.

თასში ერთმანეთს შეურიეთ დაჭრილი მოხარშული კვერცხი, 2 კვერცხის ცილა, მარილიან წყალში მოხარშული ბრინჯი, მოშუშული ხახვი და ტარხუნა, მწიკვი წიწაკა და 1 ჩაის კოვზი მარილი.

ფქვილმოყრილ სამუშაო ზედაპირზე გააბრტყელეთ ცომის 2/3 ნაწილი დაახლოებით 6 მილიმეტრის სისქის 22×42სმ ზომის ოთხკუთხედად. გაანაწილეთ მასზე ტარხუნის მასა ისე, რომ დაგრჩეთ 6-6სმ ზომის თავისუფალი კიდეები და ჩარჩოსებურად გადააკეცეთ ისინი ზემოდან. გააბრტყელეთ ცომის დარჩენილი 1/3 ნაწილი 16×36სმ ზომის ოთხკუთხედად და დააფარეთ ტარხუნის ჭრილს ზემოდან.

გათქვიფეთ 2 კვერცხის გული 5 გრამ კარაქთან ერთად და მოაცხეთ ტარხუნის ღვეზელის ზედაპირს. შედგით ღუმელში და აცხვეთ საშუალო ტემპერატურაზე დაახლოებით 25 წუთის განმავლობაში, სანამ ცომი ყავისფერი შეფერილობის არ გახდება.