ინგრედიენტები
ქათმის ღვიძლი და კუჭი
1 თავი ხახვი
1 თავი ნიორი
ნიგოზი
2 ს/კ ძმარი
1 ცალი ბროწეული
1 ჩ/კ უცხო სუნელი
1 ჩ/კ ქონდარი
1 ჩ/კ ხმელი ქინძი
1/2 ჩ/კ ყვითელი ყვავილი
მარილი და პილპილი გემოვნებით
1 კონა ქინძი
მომზადება
მოვხარშოთ ქათმის კუჭი და ღვიძლი, დავჭრათ პატარა კუბიკებად.
ცალკე თასში ჩავყაროთ გატარებული ნიგოზი. დავამატოთ უცხო სუნელი, ხმელი ქინძი, ყვითელი ყვავილი, ქონდარი. ჩავაჭყლიტოთ 1 თავი ნიორი და დავუმატოთ 1 ცალი ძალიან წვრილად დაჭრილი ხახვი და 2 სადილის კოვზი ძმარი. მოვაყაროთ ცოტა მარილი და პილპილი. დავასხათ ცოტა ადუღებული წყალი და ავურიოთ.
შემდეგ ეს მასა შევურიოთ კუჭ-ღვიძლის დაჭრილ კუბიკებს, მოვაყაროთ დაჭრილი ქინძი, ბროწეული და კვლავ ამოვურიოთ.
