აფხაზეთის დაბრუნების შანსი კი არა, საქართველოს აფხაზეთზე მიერთების შანსი ჩნდება - ამის შესახებ საზოგადოებრივი მაუწყებლის ყოფილმა გენერალურმა დირექტორმა, გია ჭანტურიამ „ტვ პირველის“ ეთერში განაცხადა.
„აფხაზეთის დაბრუნების შანსი კი არა, საქართველოს აფხაზეთზე მიერთების შანსი ჩნდება ამითი ყველაფრით. ანუ ვიღაცებს მართლა ჰგონიათ, რომ საბჭოთა კავშირის დროს საქართველო არსებობდა. ეს ჩვენ გვეგონა, რომ საქართველო გვერქვა, თორემ მთელი მსოფლიოსთვის ჩვენ ვიყავით რუსეთი. საბჭოთა კავშირს არავინ ეძახდა იმ ქვეყანას, იმ ქვეყანას ეძახდნენ რუსეთს და სამწუხაროდ აქ ეს არავინ იცის, ეს არის უბედურება ჩვენი. ჟურნალისტებმა ჰკითხონ ერთი რუსეთს, რას აპირებენ, გვიბრუნებენ თუ არა, ეს არის გამორიცხული თემა მათი მხრიდან. მათ აფხაზეთი და ოსეთი სჭირდებათ იმიტომ, რომ საქართველო გახადონ თავიანთი, სხვა ამოცანა მაგათ არ აქვთ“,- განაცხადა გია ჭანტურიამ.
