ინგრედიენტები

4   ცალი თხლად დაჭრილი ქათმის ფილე

2   ს/კ ზეითუნის ზეთი

230   გრამი დაჭრილი სოკო

1/4  ჭიქა კარაქი

2   კბილი დაკეპილი ნიორი

1   ს/კ ფქვილი

1/2  ჭიქა ქათმის ბულიონი

1   ჭიქა სქელი ნაღები

1/2  ჭიქა გახეხილი პარმეზანი

1/2  ჩ/კ ნივრის ფხვნილი

1/4  ჩ/კ პილპილი

1/2  ჩ/კ მარილი

1   ჭიქა დაჭრილი ისპანახი

მომზადება

დიდ ტაფაზე გააცხელეთ ზეითუნის ზეთი და თხად დაჭრილი ქათმის ფილეები საშუალოზე მაღალ ტემპერატურაზე წვით – თითოეულ მხარეს 3–5 წუთით გადაბრაწვამდე. გადმოდგით გაზქურიდან და თეფშზე გადაიტანეთ. ამავე ტაფაზე დაყარეთ დაჭრილი სოკო და რამდენიმე წუთით, დარბილებამდე თუშეთ. გადმოდგით გაზქურიდან და თეფშზე გადაიტანეთ.

სოუსის გასაკეთებლად: ამავე ტაფაზე გაადნეთ კარაქი. დაუმატეთ დაკეპილი ნიორი და თუშეთ დარბილებამდე. შეურიეთ ფქვილი და ურიეთ რომ შესქელდეს. შეურიეთ ქათმის ბულიონი, ნაღები, გახეხილი პარმეზანი, ნივრის ფხვნილი, პილპილი და მარილი. დაუმატეთ დაჭრილი ისპანახი და დაბალ ტემპერატურაზე შესქელებამდე ადუღეთ. მიღებულ სოუსს ქათამი და სოკო დაუმატეთ და გემრიელად მიირთვით.