6 სექტემბერს, მსოფლიო კინოისტორიის ერთ-ერთი ყველაზე მნიშვნელოვანი კინომოძრაობის თვალსაჩინო წარმომადგენელი, ფრანგული ახალი ტალღის სახე – ლეგენდარული ჟან-პოლ ბელმონდო, 88 წლის ასაკში გარდაიცვალა.
ბელმონდოს განსხვავებული გარეგნობის, თვალისმომჭრელი ღიმილისა და სამსახიობო შესრულების გამო ხშირად ადარებდნენ ისეთ ვარსკვლავებს, როგორებიც ალენ დელონი, ჰამფრი ბოგარტი და მარლონ ბრანდო იყვნენ.
ჟან-პოლმა სამსახიობო კარიერა 1950-იან წლებში დაიწყო, საერთაშორისო აღარება კი 1960 წელს ფილმ Breathless-ში შესრულებულმა როლით მოიპოვა.
მსახიობის გარდაცვალებას საფრანგეთის პრეზიდენტი ემანუელ მაკრონი გამოეხმაურა და მას ქვეყნის “ეროვნული საგანძური” უწოდა.
ჟან-პოლ ბელმონდოს დაკრძალვას მეუღლე, შვილები, ოჯახის წევრები და ფრანგული კინოს ვარსკვლავები დაესწრნენ.
