„ჰიბრიდული ომი არის ის, როდესაც ქალბატონი სალომე საუბრობს ევროპაში ლეგალურ დასაქმებულ ადამიანებზე, როგორც მონურ შრომაში მყოფ ადამიანებზე“ - განაცხადა განათლებისა და მეცნიერების კომიტეტის თავმჯდომარე შალვა პაპუაშვილმა პარლამენტის პლენარულ სხდომაზე.
„ქალბატონი სალომე, რვა წლის განმავლობაში იყო საქართველოს ელჩი ევროკავშირში. ეს იყო ევროკავშირში თქვენი ელჩობის სულისკვეთება? ევროკავშირში ლეგალურ დასაქმებას ეძახით მონურ შრომას? აი სწორედ ეს არის ჰიბრიდული ომი, როდესაც თქვენ, ევროპაში ლეგალურ დასაქმებას, ეძახით მონურ შრომას. ეს არის ევროპის დემონიზაცია“ - მიმართა შალვა პაპუაშვილმა სალომე სამადაშვილს.
