ჟურნალისტი გია გაბრიჭიძე სოციალურ ქსელში წერს:

გუბაზ სანიკიძის განცხადების ყველა წინადადების შემდეგ, გულუბრყვილო შეკითხვები გამიჩნდა:

1. „ეს (სააკაშვილთან შეხვედრა) გამოიწვია ქვეყანაში შექმნილმა ვითარებამ. ქვეყანა ძალიან მძიმე დღეშია, საქართველოს საქმეები მთლად კარგად არაა. გვაქვს დიდი საშინაო და საგარეო გამოწვევები".

შეკითხვა - და ამ გამოწვევების გადასაწყვეტად სააკაშვილთან მიდიხარ? ადამიანთან რომლის მმართველობის სისტემამ დატოვა ის მემკვიდრეობა, რომლის გამოსწორებასაც წლები სჭირდება? უკაცრავად, მაგრამ ხელოსანს, რომელმაც კაფელი ცუდად კი არა საშინლად დაგიგო, ხელახლა მოიყვან?

2. "გვყავს უვიცი, უწიგნური ხელისუფლება".

შეკითხვა - სააკაშვილის დროინდელი ხელისუფლება ვარსკვლავებს წყვეტდა თავისი ცოდნით? და თავად სააკაშვილი არ იყო მათი "წიგნიერების" მთავარი განმსაზღვრელი?

3. "სააკაშვილი და მისი პოლიტიკური თვისებები დღეს საქართველოს სჭირდება. თუ არჩევნებში ქართველი ხალხი გადაწყვეტილებას მიიღებს, რომ სააკაშვილი დაბრუნდეს საქართველოში, მე ამას მივესალმები"

შეკითხვა - ხალხის გადაწყვეტილება კარგად ჩანს იმ "აქციებზე", რასაც სააკაშვილის პარტია ატარებს.

4. "მეც და სააკაშვილიც გადავაახტით საკუთარ თავს და საკუთარ ეგოს, მე მგონი, ეს უნდა დაფასდეს და სალანძღავი არ უნდა იყოს. არც ის მაკლებდა კრიტიკას, თავგასიებულს მეძახდა".

მოწოდება - გადაახტით ერთმანეთს