“გაყიდვების მართვის კომპანიის” ორგანიზებით, 23-24 აპრილს ტარდება ქართული ნატურალური პროდუქციის გამოფენა-გაყიდვა-დეგუსტაცია „ჰიპერმარკეტ გუდვილის“ დიღმის ფილიალში.
ღონისძიების ,,აირჩიე ქართული გუდვილთან ერთად” მიზანია საქართველოს აგრარულ სფეროში მოქმედი მცირე რეგიონალური საწარმოების პოპულარიზაცია, მათი მხარდაჭერა და მომხმარებლისთვის გაცნობა.
გამოფენაზე მონაწილეობის მიღება შეუძლია ნებისმიერ მსურველს, ვინც აწარმოებენ ქართულ, ნატურალურ პროდუქციას, მაგრამ ნაკლებად არიან თბილისის ბაზარზე წარმოდგენილები, ვერ აკეთებენ ექსპორტს და მომხმარებელი კარგად არ იცნობს მათ პროდუქციას.
გამოფენა–გაყიდვაზე წარმოდგენილი იქნება შემდეგი სახეობის პროდუქტები: თაფლი, ჩურჩხელა, მურაბები, ჯემები, საწებლები, სუნელები, ყველი, ხილი, ნატურალური წვენები, ღვინო და სხვა ალკოჰოლური სასმელები, ჩირი, სნექები, ტკბილეული და სხვა.
ღონისძიება რიგით მეშვიდეა – 2012 წლიდან წელიწადში ორჯერ, აღდგომის და ახალი წლის წინა კვირებში იმართება. ღონისძიებას მხარს უჭერს საქართველოს სოფლის მეურნეობის სამინისტროს კოოპერატივების მართვის სააგენტო და საქართველოს ფერმერთა ასოციაცია.
გამოფენაში მოწვეული იქნებიან ოფიციალური პირები, მედია, ბიზნესის და სახელმწიფო სტრუქტურების წარმომადგენლები. ,,გაყიდვების მართვის კომპანიის” მიერ შექმნილია ნიშანი ,,აირჩიე ქართული”, რომელიც საქართველოს რეგიონებში ეძებს ქართული წარმოების ნატურალურ პროდუქციას, ეხმარება ასეთ საწარმოებს გაყიდვების, მენეჯმენტის, მარკეტინგის დაგეგმვაში. ამჟამად აირჩიე ქართულის’’ სავაჭრო ნიშნით საქართველოში რამდენიმე პროდუქტი: ნატურალური წვენები ,,ლივო’’, თაფლი ,,მაჭახელას დათუნია’’, ჩაი ,,ელიტა’’ და ჩაი ,,მარადიდი’’ იწარმოება. მცირე კომპანიები რომლებიც მონაწილეობას მიიღებენ ღონისძიებაში უნდა აკმაყოფილებდნენ პროდუქტის შეფუთვის პირობებს და გააჩნდეთ ეტიკეტი.
გამოფენა-გაყიდვაში მონაწილეობა უფასოა. საწარმოებს შეუძლიათ საკუთარ მაგიდებზე წარადგინონ სარეკლამო მასალები. კომპანიები, რომლებიც გადაწყვეტენ საკუთარი პროდუქციის რეალიზაციას უნდა გააჩნდეთ სალარო აპარატი.
მონაწილეობის მიღების სურვილის შემთხვევაში კომპანიებს შეუძლიათ დაუკავშირდნენ 591 41 09 76 – პროექტის ორგანიზატორს, ინფორმაციის მოძიება შესაძლებელია Facebook.com/აირჩიექართული
