პრობაციის ეროვნული სააგენტოსა და საქართველოს პარლამენტის ეროვნული ბიბლიოთეკის თანამშრომლობის ფარგლებში, თბილისის პრობაციის ბიუროში აღრიცხვაზე მყოფი პირობით მსჯავრდებულები მწერალ არჩილ შერვაშიძეს შეხვდნენ.
არჩილ შერვაშიძე პრობაციონერებს საკუთარ შემოქმედებაზე, წიგნიერებისა და განათლების აუცილებლობაზე ესაუბრა. მწერალმა აუდიტორიის შეკითხვებს ამომწურავი პასუხები გასცა.
ანალოგიური ღონისძიება ჩატარდა ზუგდიდშიც: ქალაქის ბიბლიოთეკაში შეკრებილ პრობაციონერებს საკუთარი შემოქმედება გააცნო პოეტმა დავით ახლოურმა.
პრობაციონერებში განათლებისა და წიგნის მიმართ ინტერესის გაღვივების მიზნით, პრობაციის ეროვნული სააგენტო, ეროვნულ ბიბლიოთეკასთან აქტიურად თანამშრომლობს, რომლის ფარგლებში უკვე გაიმართა შეხვედრები მწერლებთან გიორგი კეკელიძესთან და ბექა ქურხულთან.
