ხორავას საქმე და მასზე მართმსაჯულება იქნება ბოლომდე მიყვანილი ისე, რომ არც ერთი მნიშვნელოვანი კითხვა საზოგადოებას ამ საქმესთან დაკავშირებით არ დარჩეს, - ამის შესახებ საპარლამენტო უმრავლესობის ლიდერმა, არჩილ თალაკვაძემ პარტიის ოფისში გამართული შეხვედრის შემდეგ განაცხადა.
მისი თქმით, uinicef-ის კვლევის გარდა, შეხვედრაზე განიხილეს ისეთი საკითხებიც, რაზეც საზოგადოების ინტერესი არსებობს, მათ შორის ხორავას ქუჩის საქმე.
"ჩვენ განვიხილეთ ყველა ის მნიშვნელოვანი საკითხი, რაც ამ პერიოდში დაგროვდა და რაზეც არსებობს საზოგადოების ინტერესი. რაც შეეხება ხორავას ქუჩის საქმეს, აქ ხელისუფლებამ და ჩვენ მივიღეთ ძალიან პრინციპული გადაწყვეტილებები. ეს საქმე და მასზე მართლმსაჯულება იქნება ბოლომდე მიყვანილი ისე, რომ არც ერთი მნიშვნელოვანი კითხვა საზოგადოებას ამ საქმესთან დაკავშირებით არ დარჩეს", - განაცხადა არჩილ თალაკვაძემ.
