რუსეთის საგარეო საქმეთა მინისტრის სერგეი ლავროვის განცხადებით, რუსეთი არასდროს ითხოვდა „დიდ რვიანში“ დაბრუნებას.
„როდესაც გადაწყდა, რომ ჩვენი დასავლელი პარტნიორები „რვიანის“ ფორმატიდან „შვიდიანს“ დაუბრუნდებიან, ჩვენ შევეგუეთ ამ გადაწყვეტილებას და შესანიშნავად ვმუშაობთ სხვა ფორმატებში - შანხაის თანამშრომლობის ორგანიზაციაში, BRICS-ში და „დიდ ოცეულში“, სადაც ჩვენს მიდგომებს იზიარებენ“, - განაცხადა ლავროვმა.
მისივე თქმით, „დიდ ოცეულში“ ულტიმატუმები არ ჭრის და იქ შეთანხმების მიღწევაა საჭირო.
„დიდი ოცეული“ კონსენსუსის მიღწევის მექანიზმია. ჩემი აზრით, ეს ყველაზე პერსპექტიული ფორმატია“, - აღნიშნა რუსეთის საგარეო საქმეთა მინისტრმა.
