“ქართული ოცნების“ დეპუტატის ლევან კობერიძის ინფორმაციით, მომავალი პრეზიდენტის ავლაბრის საპრეზიდენტო სასახლეში გადასვლა-არგადასვლის საკითხი ამ ეტაპზე განხილვის თემა არ არის.
“გარწმუნებთ, არჩევნებში აუცილებლად გაიმარჯვებს “ქართული ოცნების“ პრეზიდენტობის კანდიდატი. რაც შეეხება სასახლის თემას, ეს დღეს მსჯელობის თემა არ არის“, - განუცხადა ჟურნალისტებს ლევან კობერიძემ.
კითხვაზე, “ქართულ ოცნებასა“ და მოქმედ პრეზიდენტს შორის დაპირისპირება გამოიწვია თუ არა გიორგი მარგველაშვილის ავლაბრის სასახლეში გადასვლამ, კობერიძემ განაცხადა, რომ ის ვერ ხედავს დაპირისპირებას “ქართულ ოცნებას“ და პრეზიდენტს შორის, რადგან დაპირისპირება არის პრეზიდენტსა და მოსახლეობას შორის.
“ვერ ვხედავ დაპირისპირებას “ქართულ ოცნებას“ და პრეზიდენტს შორის - დაპირისპირებას ვხედავ პრეზიდენტსა და საქართველოს მოსახლეობას შორის“, - განაცხადა კობერიძემ.
