აშშ-ის ელჩი, რიჩარდ ნორლანდი ხვალ საერთაშორისო რესპუბლიკური ინსტიტუტის მიერ ორგანიზებულ ქალთა პოლიტიკურ ყრილობას დაესწრება.
როგორც "ინტერპრესნიუსს" აშშ-ის საელჩოდან აცნობეს, ყრილობაში მონაწილეობისთვის მიწვეული არიან ლიდერი და ახალგაზრდა პოლიტიკოსი ქალები. ისინი ერთმანეთს გაუზიარებენ გამოცდილებას, იმსჯელებენ პარტიებს შორის თანამშრომლობაზე და დასახავენ სამომავლო კავშირების შესაძლებლობებს.
კონფერენციის ძირითადი თემებია – "როგორ ვიყოთ პარტიის პრესსპიკერი", "გამოწვევები ქალბატონებისთვის პოლიტიკური კამპანიის წარმოებისას", "ქალები მთავრობაში - უცხოური პერსპექტივა".
ამერიკის მთავრობა აშშ–ის საერთაშორისო განვითარების სააგენტოს (USAID) მეშვეობით, პოლიტიკაში ქალთა აქტიურ მონაწილეობას მხარს უჭერს.
