დიდ ბრიტანეთში წყალდიდობაა, დატბორილია საავტომობილო გზები, სარკინიგზო მაგისტრალები, სახლები და ადმინისტრაციული შენობებიც. საათში 80კმ. სიჩქარით მოძრავმა ქარიშხალმა მთელი ბრიტანეთის მაშტაბით უკვე უამრავი შენობა დააზიანა.
კიდევ უფრო რთული სიტუაციაა ბრიტანეთის სამხრეთ-დასავლეთ რეგიონებში, უელსში გადაუღებელი წვიმების და ძლიერი ქარის შედეგად, მდინარეებში წყლის დონემ კრიტიკულ ზღვარს მიაღწია. სომერსეტში, დევონში, დორსეტში, გლოსტერშირში, ვისტერშირში, უორკშირში, ოქსფორდსა და უილტშირში სინოპტიკოსები მოსახლეობას დიდი სიფრთხილისკენ მოუწოდებენ.
