„საბას“ ელექტრონული წიგნების სახლში სიახლეა: www.saba.com.ge-ზე წარმოდგენილი წიგნების გარკვეული ნაწილის წაკითხვა უკვე შესაძლებელია Kindle, Sony Reader, NOOK წამკითხველებითაც.

ამისათვის საიტს დაემატა mobi და e-pub ფაილების ჩამოტვირთვის ფუნქცია. ეს სიახლე „საბას“ ელექტრონული წიგნების სახლის მომხმარებელთა მოთხოვნების გათვალისწინებით დაინერგა - დღიდან ვებგვერდის ამუშავებისა, უამრავი მკითხველი გამოხატავდა სურვილს, რომ „საბას“ ელექტრონული წიგნების წაკითხვა Kindle, Sony Reader, NOOK-შიც ყოფილიყო შესაძლებელი.

ამ წამკითხველებისთვის წიგნების გადმოწერის ინსტრუქციის სანახავად ეწვიეთ ბმულს: https://saba.com.ge/about/kindle

ელექტრონული წიგნების სახლი „საბა“ 3 თვის შეიქმნა. ვებ-გვერდი www.saba.com.ge საზოგადოებას სთავაზობს რამდენიმე ასეულ საუკეთესო ქართული და უცხოური ლიტერატურის ელექტრონულ ვერსიებს - ლიტერატურული პრემია „საბას“ სხვა და სხვა წლების ნომინანტ და ლაურეატ წიგნებს, ასევე კლასიკურ ლიტერატურას და პოპულარულ ბესთსელერებს, ელექტრონული სახით.

www.saba.com.ge-ზე ელექტრონული წიგნების წაკითხვა შესაძლებელია ჩვეულებრივი კომპიუტერით, ლეპტოპით, iPhone-ით, iPad-ით. გარდა ამისა, საიტზე განთავსებულია „საბას“ ორიგინალური წამკითხველი Saba Reader, რომელიც უფასოა და მისი ჩამოტვირთვის შემდეგ, ელექტრონული წიგნების წაკითხვა ვინდოუსის სისტემაში ინტერნეტის გარეშეც არის შესაძლებელი.