შეწყალების კომისიის თავმჯდომარის ელენე თევდორაძის განცხადებით, დღეს საქართველოს პრეზიდენტმა მიხეილ სააკაშვილმა 519 პატიმარი შეიწყალა.
დადგენილებას ხელი პრეზიდენტმა დღეს დილით მოაწერა. შეწყალებული 519 პატიმარიდან 50-ს სასჯელი გაუნახევრდა. ამასთან, შეწყალებულთა შორის 43 ქალია. 9 მსჯავრდებულ ქალს სასჯელი გაუნახევრდა.
თევდორაძის განმარტებით, შეწყალებულთა შორის არასრულწოვანი პატიმრები არ არიან, რადგან მათი განცხადებები კომისიას არ მიუღია.
შეწყალების კომისიამ სულ 1400 პატიმრის საქმე განიხილა.
