შინაგან საქმეთა სამინისტროს ათი ყოფილი მაღალჩინოსნის სააპელაციო საჩივრების განხილვა დღეს შედგება. სხდომა 15:00 საათისთვისაა ჩანიშნული.
ერთ-ერთი დაკავებულის, კუდ-ის ყოფილი უფროსის, ლევან ქარდავას ადვოკატის კახა შონიას განცხადებით, საჩივრების განხილვა მხარეთა მონაწილეობით მოხდება.
„სააპელაციო სასამართლომ საჩივრები მიიღო და მის განხილვას თავად ბრალდებულებიც დაესწრებიან“, - განაცხადა შონიამ.
თბილისის სააპელაციო სასამართლოში საჩივრები 19 ნოემბერს შევიდა, რომელთა მიხედვითაც, ბრალდებულები გირაოს სანაცვლოდ უნდა გათავისუფლდნენ.
თბილისის საქალაქო სასამართლოს გადაწყვეტილებით, შსს-ს დაკავებულ მაღალჩინოსნებს, აღკვეთის ღონისძიების სახით, წინასწარი პატიმრობა შეეფარდათ.
დაკავებულები სასჯელაღსრულების გლდანის #8-ე დაწესებულების კარანტინის განყოფილებაში მოათავსეს. ისინი 15 ნოემბერს დააკავეს.
