"მისტერ ბინის“  პოპულარული კომედიური სახე არსებობას წყვეტს. მისი როლის შემსრულებელმა მსახიობმა როუენ ატკინსონმა  მიიღო გადაწყვეტილება სამუდამოდ დაემშვიდობოს  ამ კომიკურ გმირს და ახალი დრამატული პერსონაჟების განსახიერებას შეუდგეს.

მსახიობისთვის მისტერ ბინი არის „სასაცილო ბავშვი კაცის სხეულში“,  რომლის განსახიერებაც მის ასაკში  უხერხულიც კია.

საყოველთაო აღიარება 57 წლის მსახიობს სწორედ მისტერ ბინის როლმა მოუტანა. ატკინსონმა აღნიშნა, რომ მიუხედავად დიდი წარმატებისა  ამ პერსონაჟმა,  ერთის მხრივ,  ხელი სამსახიობო კარიერაშიც შეუშალა, რადგან როლანი ყველაში ამ სასაცილო კაცის ასოციაციას იწვევდა და სხვა სერიოზულ როლებზე ვერც აღიქვამდნენ.  

ატკინსონის განცხადებით, დიდი სურვილი აქვს თეატრში გადავიდეს და სცენაზე ინტელექტუალური პესონაჟები განასახიეროს.

„მისტერ ბინი“- კომედიური ჟანრის ამერიკული სატელევიზიო სერიალია, რომელიც 14 ნახევარსაათიანი ეპიზოდისგან შედგება. ფილმი ეკრანებზე გამოჩენისთანავე აიტაცა მთელმა მსოფლიომ. პირველი ეპიზოდი  1990 წლის 1 იანვარს გამოვიდა, ბოლო 1995 წლის 15 ნოემბერს. სერიალს მიღებული აქვს მრავალი საერთაშორისო ჯილდო. მის საფუძველზე გადაღებულია 2 ფილმი და ანიმაციური სერიალი.