რუსული როკ-ჯგუფი ДДТ ხუთწლიანი პაუზის შემდეგ, გულშემატკივრებს პირველ ვიდეორგოლს რადმდენიმე დღეში შესთავაზებს.
კლიპში კინოსა და თეატრის ცნობილი რუსი მსახიობი ჩულპან ხამატოვა თამაშობს. როგორც მსახიობი აღნიშნავს, ჯგუფის სოლისტ იური შევჩუკთან დიდი ხნის მეგობრობა აკავშირებს და გადაღებაზეც დაფიქრების გარეშე დასთანხმდა. ვიდეო რუსმა რეჟისორმა ალექსანდრ კოტტმა გადაიღო. ამჟამად კლიპი მონტაჟის პროცესშია და საზოგადოება მას მალე იხილავს.
ვიდეორგოლი შეიქმნა სიმღერაზე „Где мы летим“, რომელიც ДДТ-ს ბოლო, 2011 წელს გამოშვებული ალბომის „Иначе“-ს ერთ-ერთი ჰიტია.
