პარლამენტის ადამიანის უფლებათა დაცვის კომიტეტის სხდომაზე, უმცირესობის წევრი, დავით საყვარელიძე და ჯაბა ჯიშკარიანი ერთმანეთს დაუპირისპირდნენ.
კომიტეტთან არსებულმა ჯგუფმა, რომელიც ორი კვირის განმავლობაში, პოლიტდევნილთა და პოლიტპატიმართა საქმეებს სწავლობდა, დასკვნა წარმოადგინა.
ერთ-ერთი საქმე მელორ ვაჩნაძეს შეეხებოდა, რომლის შესახებაც საია-ს წარმომადგენელი საუბრობდა, რომელსაც საყვარელიძემ მიმართა - „ვაჩნაძის საქმე არ არის თაღლითობა?“. სწორედ ამ კითხვას მოჰყვა ჯიშჯკარიანის პროტესტი.
„ვაჩნაძეზე საუბარს, სჯობს კბილებში წყალი გამოივლოთ“, - მიმართა საყვარელიძეს ჯიშკარიანმა.
დეპუტატმა ჯიშკარიანს მოუწოდა ზრდილობიანად ისაუბროს.
„წინააღმდეგ შემთხვევაში, გაჩვენებ წყალს კბილებში“, - მიმართა საყვარელიძემ ჯიშკარიანს.
მხარეებს შორის დაპირისპირება კომიტეტის თავმჯდომარემ, ეკა ბესელიამ განმუხტა.
