მესამე დღეა თბილისში ყვითელი ავტობუსების მძღოლები გაფიცვას განაგრძობენ. შექმნილი მდგომარეობიდან გამოსავლის ძიების მიზნით, დღეს მძღოლთა ნაწილი საკრებულოშია მიწვეული, სადაც დეპუტატებთან შეხვედრას გამართავენ.
თბილისში ყვითელი ავტობუსის მძღოლები 8 ნოემბერს გაიფიცნენ. გაფიცვაში დედაქალაქის სამივე ავტოპარკი და 1300-ზე მეტი მძღოლი მონაწილეობს.
მძღოლებს 16-პუნქტიანი მოთხოვნები აქვთ შემუშავებული, რომლის დაკმაყოფილებასაც მოითხოვენ. კერძოდ, მძღოლები დედაქალაქის ხელმძღვანელობისგან ძირითადად, შრომითი პირობების გაუმჯობესებასა და ხელფასების მომატებას ითხოვენ.
თბილისში არ მუშაობს არც ერთი ავტობუსი და მოქალაქეები ძირითადად, მიკროავტობუსებით გადაადგილდებიან.
